Author Description

Este libro, coordinado polos profesores da Facultade de Ciencias da Educación de Ourense Mercedes Suárez Pazos, Xosé Manuel Cid e Carmen Benso, reúne reflexións e achegas destinadas a esclarecer mellor a historia da educación do noso país, que son ademais, polo tempo do que falan, parte necesaria para a comprensión da nosa historia educativa. Así, na primeira parte, ' ' Memoria da escola: relatos e historias de vida ' '. Antonio Viñao, Juan M. Fernández Soria e Ma del Carmen Agulló Díaz achégannos ricas contribucións arredor do binomio memoria/esquecemento. Xosé M. Cid lévanos a establecer un diálogo coas vidas e os protagonismos de varios educadores marcados por un nítido exercicio cívico do seu oficio docente. En parecido horizonte invítanos a continuar Mercedes Suárez coas súas ' ' crónicas autobiográficas ' '. Na segunda parte, ' ' Memoria da escola: cultura material ' ', Anxo Porto enfía asúa achega, coa renovación pedagóxica e coa IIa República española ao fondo, relativa á incorporación das fontes orais como apropiada vía para o tratamento de novos obxectos de investigación. Carmen Benso detense sobre o profesorado de Bacharelato da cidade de Ourense. Por último, Ramón López Martín, cos seus ' ' elementos materiais da escola ' ', Pedro Membiela e Manuel Vidal detéñense na didáctica das ciencias naturais realizada co auxilio do material de laboratorio.