2007ko martxoaren 23ko EHAAko II. Eranskinean adierazten den bezala, Euskal Autonomia Erkidegoko Maisu-maistren Kidegoan sartzeko, 6 gai gehiago erantsi dira Lehen Hezkuntzako espezialitateari dagokion gai zerrendan, ale honetan oposiziogileak aurkituko dituen gaiak alegia. Liburuki honen asmoa da, beraz, falta ziren eduki horiek osatzea eta irakasle plazaren bat lortzeko asmoa duten hautagaien eskuetan baliabide egokiak jartzea. Gure autonomia erkidegoan irakaskuntzan arituko diren maisu-maistrek euskaraz jardun beharko dutenez eta lehiaketan parte hartuko dutenek probak ere hizkuntza horretan egin beharko dituztenez, garrantzitsua iruditu zaigu euskaraz garatutako gai-bilduma hau jartzea haien eskuetan. Ematen dugun informazioa oposiziogilearentzat erabilgarria eta lagungarria izango delakoan gaude eta hemen landu ditugun gaietan arrakasta izan dezaten espero dugu.