Author Description

"Ko te reo kei too arero, te reo o too ao. Noo reira ko too reo aa iwi, te reo o too ngaakau, te reo e hiiri ai koe ki ngoo whakapapa me ngoo paanga ki ngaa iwi o te motu. Kua whakatoopuungia ngaa kupu, ngaa kiianga noo roto mai o ngaa horopaki Tainui ki te waahi kotahi hei kai maa te mata, hei kai maa te hinengaro, hei kai maa te rangatira. Noo reira kei ngaa rangatira o Tainui waka, ko teenei Puna Kupu hei Manawa aa-Whenua maa taatou katoa. Kua roa te iwi e karanga ana kia whakaputaina he rauemi haapai i te iwi kia Tainui ake ai te rere o te reo i roto i a taatou. Noo reira i whakahuihuia e Waikato-Tainui ngaa kaumaatua me ngaa maatanga reo o ngaa roherohenga o Tainui waka whaanui kia whakaritea teenei taonga hei whakautu i taa koutou karanga. Mehemea raanei ko koe teenaa e hiikaka ana kia Tainui ake too reo, e kaingaakau ana ki ngaa reo aa iwi, maau teenei rauemi, moou teenei rauemi. Tukua!"--Kaitā pārongo.