Author Description

O XX Congreso Internacional de Ciencias Onomásticas (ICOS) tivo lugar en Santiago de Compostela, do 20 ó 25 de setembro de 1999, organizado polo Instituto da Lingua Galega (Universidade de Santiago de Compostela), baixo os auspicios do International Council of Onomastic Sciences, asociación internacional con sede en Lovaina (Bélxica) que reúne ós estudiosos de nomes de persoa e nomes de lugar de todo o mundo. Participaron 306 especialistas procedentes de 38 países que leron 225 comunicacións. O congreso artellouse en dez diferentes seccións temáticas: Toponimia,Sistemas de denominación, en especial en comparación intercultural, Teoría dos nomes e terminoloxía, Socionomástica, Os outros nomes, "Nomen et gens", Etimoloxía e lexicografía, Onomástica e literatura, Onomástica e dereito, e Proxectos de investigación e información bibliográfica. Estas actas, editadas en CD-Rom (1984 páxinas en formato PDF), reúnen un total de 174 comunicacións que os seus autores enviaron á organización,amais das sesións especiais e da conferencia inaugural.